Get the latest news at
your fingertips!
Download our app now
LIVE TV
Search
കോളിവുഡിലെ അടുത്ത സെൻസേഷൻ ആകാൻ കെൽപ്പുള്ള ചിത്രമാണ് സൂപ്പർസ്റ്റാർ രജനികാന്തിന്റെ കൂലി. ലോകേഷ് കനകരാജിന്റെ സംവിധാനത്തിലും അനിരുദ്ധിന്റെ മ്യൂസിക്കിലുമെത്തുന്ന കൂലി കോളിവുഡിലെ ഈ വർഷത്തെ ഏറ്റവും വലിയ ചിത്രങ്ങളിലൊന്നാണ്. പാൻ ഇന്ത്യൻ ആയി റിലീസിനൊരുങ്ങുന്ന സിനിമയുടെ ഹിന്ദി പതിപ്പിന്റെ ടൈറ്റിൽ ആണ് ഇപ്പോൾ വിമർശനം നേടുന്നത്.
'മജദൂർ' എന്നാണ് കൂലിയുടെ ഹിന്ദിയുടെ പതിപ്പിന്റെ പേര്. സിനിമയുടെ പേര് പുറത്തുവന്നതിന് പിന്നാലെ സോഷ്യൽ മീഡിയയിൽ രജനി ആരാധകർ നിരാശ പ്രകടിപ്പിക്കുന്നുണ്ട്. കൂലി എന്നത് ഹിന്ദിയിലും ചേരുന്ന പേരാണല്ലോ പിന്നെ എന്തിനാണ് മറ്റൊരു പേര് എന്നാണ് ആരാധകർ ചോദിക്കുന്നത്. ഈ പേര് മാറ്റം ഹിന്ദി പ്രേക്ഷകർക്കിടയിൽ കൺഫ്യൂഷൻ ഉണ്ടാക്കുമെന്നും അത് സിനിമയുടെ കളക്ഷനെ സാരമായി ബാധിക്കുമെന്നും കമന്റുകളുണ്ട്. മജദൂർ എന്ന പേര് മാറ്റി കൂലി എന്ന് തന്നെ ഹിന്ദിയിൽ ടൈറ്റിൽ ഇടണമെന്നും പലരും സോഷ്യൽ മീഡിയയിൽ കുറിക്കുന്നുണ്ട്.
അതേസമയം, സിനിമയിലെ ആദ്യ ഗാനം ആയ 'ചികിട്ടു' ഈ മാസം 25 ന് റീലീസ് ചെയ്യും. അറിവിന്റെ വരികൾ ടി രാജേന്ദർ, അനിരുദ്ധ് രവിചന്ദർ, അറിവ് എന്നിവർ ചേർന്നാണ് ഗാനം ആലപിച്ചിരിക്കുന്നത്. പ്രൊമോ വീഡിയോ ഇപ്പോൾ സോഷ്യൽ മീഡിയയിൽ ട്രെൻഡിങ് ആണ്. ഓഗസ്റ്റ് 14 നാണ് ചിത്രം തിയേറ്ററുകളിലെത്തുന്നത്. തമിഴ്, തെലുങ്ക്, കന്നഡ, ഹിന്ദി, മലയാളം എന്നീ ഭാഷകളിലായാണ് സിനിമയെത്തുന്നത്.
#Coolie has been titled #Majadoor for the Hindi Version 😭
— CineHub (@Its_CineHub) June 23, 2025
What a POOR CHOICE OF TITLE 👎🏻 @rajinikanth @Dir_Lokesh pic.twitter.com/TpgGPaso5R
#Majadoor is a terrible title. Makers must do something to retain #Coolie for the Hindi version too.
— Nishit Shaw (@NishitShawHere) June 23, 2025
ഏകദേശം 81 കോടി രൂപക്കാണ് കൂലിയുടെ ഓവർസീസ് വിതരണാവാകാശം വിറ്റുപോയതെന്നാണ് റിപ്പോർട്ടുകൾ. തമിഴ് സിനിമയുടെ തന്നെ റെക്കോഡ് ഓവർസീസ് വിതരണത്തുകയാണ് ഇത്. സിനിമയുടെ തെലുങ്ക് റൈറ്റ്‌സ് 60 കോടി രൂപക്ക് നാഗാർജുനയുടെ ബാനറായ അന്നപൂർണ സ്റ്റുഡിയോസ് സ്വന്തമാക്കിയെന്നും റിപ്പോർട്ടുകൾ വന്നിരുന്നു.
Content Highlights: Rajini film Cooli hindi title receives negative feedback
