Get the latest news at
your fingertips!
Download our app now
LIVE TV
Search
ആലപ്പുഴ: സിപിഐ ആലപ്പുഴ ജില്ലാ സമ്മേളനത്തിൽ പാര്‍ട്ടി സംസ്ഥാന നേതൃത്വത്തിനും മന്ത്രിമാർക്കും രൂക്ഷ വിമർശനം. സംസ്ഥാന നേതൃത്വത്തിന് നിലപാടില്ലെന്നാണ് പ്രതിനിധികളുടെ അഭിപ്രായം. കൃഷിവകുപ്പ് മന്ത്രിക്കെതിരായ കർഷകരുടെ പ്രതിഷേധം പാർട്ടിക്ക് നാണക്കേടായെന്നും അടിസ്ഥാന തൊഴിലാളി വിഭാഗം പാർട്ടിയോട് അകലുന്നു എന്നും വിമർശനം ഉയർന്നിട്ടുണ്ട്.
ബ്രൂവറി അടക്കമുള്ള വിഷയങ്ങളിൽ നിലപാടുകളിൽ ഉറച്ച് നിൽക്കാൻ കഴിയുന്നില്ല. നിലപാടിൽ ഉറച്ച് നിൽക്കാൻ കഴിയാത്തത് സഖാക്കളുടെ ആത്മവിശ്വാസം നഷ്ട്ടപ്പെടുത്തുന്നു. വർഗ്ഗ ബഹുജന സംഘടനകളെ ശക്തിപ്പെടുത്താൻ ജാഗ്രത കാണിക്കുന്നില്ല. കൃഷി സിവിൽ സപ്ലൈസ് വകുപ്പുകൾ വൻപരാജയം. സ്വന്തം വകുപ്പ് എന്ന് പറയാൻ ആകുന്നത് റവന്യൂ മാത്രമാണ്. മന്ത്രിയുടെ ഓഫീസിലെ കർഷക പ്രതിഷേധം ചരിത്രത്തിലാദ്യത്തെ സംഭവമാണെന്നും ജില്ലാ സമ്മേളനത്തിൽ വിമർശനം ഉയർന്നു. ആലപ്പുഴയിലെ പാർട്ടി നാഥനില്ലാ കളരിയെന്ന അഭിപ്രായവും ഉയർന്നു വന്നിട്ടുണ്ട്.
Content Highlights: CPI Alappuzha District Conference Severely Criticized the State Leadership and Ministers
